|
|
| [1]The title of the thre and seuentithe salm. The lernyng of Asaph. God, whi hast thou put awei in to the ende; thi strong veniaunce is wrooth on the scheep of thi leesewe? |
[No book] |
| [2]Be thou myndeful of thi gadering togidere; which thou haddist in possessioun fro the bigynnyng. Thou ayenbouytist the yerde of thin eritage; the hille of Syon in which thou dwellidist ther ynne. |
[No book] |
| [3]Reise thin hondis in to the prides of hem; hou grete thingis the enemy dide wickidli in the hooli. |
[No book] |
| [4]And thei that hatiden thee; hadden glorie in the myddis of thi solempnete. |
[No book] |
| [5]Thei settiden her signes, `ethir baneris, signes on the hiyeste, as in the outgoing; and thei knewen not. |
[No book] |
| [6]As in a wode of trees thei heweden doun with axis the yatis therof in to it silf; thei castiden doun it with an ax, and a brood fallinge ax. |
[No book] |
| [7]Thei brenten with fier thi seyntuarie; thei defouliden the tabernacle of thi name in erthe. |
[No book] |
| [8]The kynrede of hem seiden togidere in her herte; Make we alle the feest daies of God to ceesse fro the erthe. |
[No book] |
| [9]We han not seyn oure signes, now `no profete is; and he schal no more knowe vs. |
[No book] |
| [10]God, hou long schal the enemye seie dispit? the aduersarie territh to ire thi name in to the ende. |
[No book] |
| [11]Whi turnest thou awei thin hoond, and `to drawe out thi riythond fro the myddis of thi bosum, til in to the ende? |
[No book] |
| [12]Forsothe God oure kyng bifore worldis; wrouyte heelthe in the mydis of erthe. |
[No book] |
| [13]Thou madist sad the see bi thi vertu; thou hast troblid the heedis of dragouns in watris. |
[No book] |
| [14]Thou hast broke the heedis of `the dragoun; thou hast youe hym to mete to the puplis of Ethiopiens. |
[No book] |
| [15]Thou hast broke wellis, and strondis; thou madist drie the flodis of Ethan. |
[No book] |
| [16]The dai is thin, and the niyt is thin; thou madist the moreutid and the sunne. |
[No book] |
| [17]Thou madist alle the endis of erthe; somer and veer tyme, thou fourmedist tho. |
[No book] |
| [18]Be thou myndeful of this thing, the enemye hath seid schenschip to the Lord; and the vnwijs puple hath excitid to ire thi name. |
[No book] |
| [19]Bitake thou not to beestis men knoulechenge to thee; and foryete thou not in to the ende the soulis of thi pore men. |
[No book] |
| [20]Biholde in to thi testament; for thei that ben maad derk of erthe, ben fillid with the housis of wickidnessis. |
[No book] |
| [21]A meke man be not turned awei maad aschamed; a pore man and nedi schulen herie thi name. |
[No book] |
| [22]God, rise vp, deme thou thi cause; be thou myndeful of thin vpbreidyngis, of tho that ben al dai of the vnwise man. |
[No book] |
| [23]Foryete thou not the voices of thin enemyes; the pride of hem that haten thee, stieth euere. |
[No book] |
| 24[No verse] |
[No book] |
| 25[No verse] |
[No book] |
| 26[No verse] |
[No book] |
| 27[No verse] |
[No book] |
| 28[No verse] |
[No book] |